Plantun de Prouvènço

Pèr coumpara dos planto d'encò nostre

Cruciata pedemontana & Euphorbia lathyris

Cruciata pedemontana

Rubiaceae

Nom en français : Croisette du Piémont.

Descripcioun :
Aquelo crouseto douno d'èr à uno pichoto Cruciata laevipes e, se trachis en coulounìo èi pamens uno planto de l'an que se vèi dins li relarg pulèu mountagnous. La planto èi proun pelouso d'en pertout. La varieta, emé mai de flour, ié dison pedemontana.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 30 cm
Fueio : Verticilado
Tipe bioulougico : Teroufite
Cicle bioulougico : Planto de l'an

Gènre : Cruciata
Famiho : Rubiaceae

Ordre : Gentianales

Coulour de la flour : Jauno
Petalo : 4
Ø (o loungour) flour : 1 mm
Flourido : Printèms

Sòu : Ca
Autour basso e auto : 300 à 1700 m
Aparado : Noun
Abriéu à jun

Liò : Prado umido - Pelouso - Relarg à jóunis aubret
Estànci : Subremediterran à Subaupen
Couroulougi : Eurimediterrano
Ref. sc. : Cruciata pedemontana (Bellardi) Ehrend., 1958

Catapuço

Euphorbia lathyris

Euphorbiaceae

Àutri noum : Cagarino, Peveireto, Pebreto, Nirou'.

Noms en français : Euphorbe épurge, Euphorbe des jardins.

Descripcioun :
La catapuço es uno grando eufòrbi, verdalo e boutisso, que trachis proche dis oustau e d'aigo. Èi touto lisco de cap en pèd. Se recounèis peréu à si glando jauno espatulado (fotò). Fai de boursèu de la grosso meno, d'aperaqui 2 cm.

Usanço :
Èi couneigudo dins la Tineò pèr faire passa lou mau de dènt : "Un esperfum d'aigo buhiò emé de grano de nirou' enduèrme lou mal de dents." (J.-L. Domenge in LMT, op.cit. p. 59).